الحب كل شي بهالدني وتزامن التوقيت مع عيد الحب
وما أحلى الكلام في عيد الحب مع الأحباء الأعضاء
كل سني وأنتو سالمين ~~~ أعضاءنا يا كل الحلوين
إنشــــاللـه العيد الجايي ~~~ كل العزابيي متزوجين
كرمالك يا عــــيد الحب بدي احكي حبيــــــبي
يلي جرحني بالقـــلب وبعـَّــد عني طبيـــبي
كرمالك يا عــــيد الحب عـــيد الحب كرمالـــك
غايب عني بـس القلب عم يسـألني شــو مالـك
والعقل واللـــــه حيران عم يســـأل عن أحوالك
بعدك تتذكــــر بالحب حدا يخطــــر ع بالــك
بعدو مطرحو بالقـــــلب ما غاب عـــن خيالــك
انت ماشي بنفس الدرب وهوي من فكرو شالك
يضرب الحب شو بيذل وهيدا كــــلو كرمالـك
كرمالك يا عــــيد الحب يا عـيد الحب كرمالك
بحبك يا أحلى شـــــــــمعة ~~~~~ بحبك وبعينك دمعــــــة
بحبك يا قنديل ضــــــاوي ~~~~~ بعتمة متل اللمعــــــــــة
بحبك يا احلى بســــــــمي ~~~~~ من شفافك هودي التنتين
بحبك مرّة بتبتســــــــــمي ~~~~~ تا عيش العمر عمريـــن
بحبك لما تصبي الكـــــاس ~~~~~ وتقولي كاس الغطـــاس
ولك كاسك عالعين والراس ~~~~~ وبدو يضل احلى كـاس
وتقولي كاسك يا شــــــــب ~~~~~ كل نقطة من كاسك حب
كاس اللي حبو هالقلــــــب ~~~~~ وما عاد يعيد الكــــــــرّة
سأ لتك مرّة عن حا لي
هربتي وتركـتينـــــي
قرّبت صوبك لحا لي
شفـتك عم تبكـينــــي
وسأ لت قلبك خا لــي
لقيتك بتغـمزينــــــي
رفعتي راسك للعا لي
ببسمتك فهّمـتينــــي
إنك إ لي وحــــدي
إ نك بتحبينـــــــــي
بعيد الحب حبيتك ~~~ بقلب أهلي حطيتك
شو بعد بدك أكثر
بحبك يا روحي وبتمنى ~~~ بعيد الحب تداويلي بقلبك كل جروحي
يا ورد القلب الابيض ~~~ للحبيب بهديك
نحنا جـوز مجــانيــــن ~~~ إنتي الفل وأنا الياسمين
إنتـــي بعـمـر الـــــوردة ~~~ وأنا متــلك ســجـيـــن
لآ تقولي عمرك هالقد ~~~ العمـر مانو با لسـنيـن
العمـر فرحــة الـقـلــب ~~~ ما بينحسـب بالسنيــن
الحب صفحة بالحـيا ة فيها معانيهــــــا
الحب حـما مة سـلام أنـا مر بّيهـــــــا
يا ســبحانك يا ربي ~~~ انت اللي عطيتني هاللون
بالحب زرعت قلبي ~~~ ونثــــــــــرتو بكل الكون
يا سبحانك يا ربي ~~~ زرعتلي حـــوا بدربي
كل الدنـــي بهديها ~~~ وكل الحب والمحبي
ربي تحرسها يا رب ~~~ وتجَّمع كل بنت وشـــب
والحب منـــُّو خطيي ~~~ إذا مشيو ع نفس الدرب
يا جوري بحبك واللـه ~~~ والحب هديي من اللـه
واللي ما بيحــب الورد ~~~ اكيد ما بيعــــرف اللـه
عم بستنا يا روحي والحب جنون ~~~ وكل نقطة تقول بحبك والحـب فنون
راح صلي لـــــربي يفتح الدروب ~~~ حتى توصل ع دربي وانت المجنون
بحبك من قلبي بحبك هاتي الرعبون ~~~ بوسي وحدي من تمك أحلى ما يكون
يا قنديل الزيت لا تبعدا
عني وعنك لا تشـَهّدا
ولك عيب يلا نوص
وخلينا نحنا عالهَدى
هلا ابتدت سهرتنا
وعَشفافنا علقت كلمتنا
بحبـِك بحبَك يـــــــــلا
شو رعبون الحب بوستنا
يا قنديل عيب تتظلع علينا
تركنا وع العتم خلينا
لا ترفع ضوك كتير
حاجي بيكفي ما حكينا
عم بتبوسني وتشدني
لصدرا وعم بتردني
وتقلي حرام خطي
شدني عليك لا تحَّردني
بعدين بزعل منـَّك
كتير وببعد عنـَّك
وبحكي لرفقاتي عنـَّك
انك بدك ياني
بس أنا ما بدي
يا حب يا غالي ع قلوبنا ~~~ رايحين نزرعك ع دروبنا
يا جوري لا تقهرني بلــــــــونك هالزهر
بحبا من قلبي وراح ضل ع طول العمر
يا جوري انتا الصافي ~~~ البسـتان بدونك حافي
أبيض نقي متل الثــلج ~~~ البيحب ما فيه يجافي
يا جوري اللي بلون القلب ~~~ يللي يقدرك يفهم الحب
ويقدمك للي تحبـــــــــــــو ~~~ حتى يفتحلك الـــــدرب
يا بنفســــــــج يا الكلك حب وحنان ~~~ بحبك وبحب فيك كـــــــــل الأمان
ولو ما كنت كـــــــــلك غنج ودلال ~~~ ما حبوك البنات ولا هدوك للشبان
انتي وأنا والحب وين صرنا ~~~ وبعدنا بالحـــــــــــب بأول عمرنا
اسـألي امك لما كانت بعمرنا ~~~ شو عملت وشو جرَّبت بهالشباب
يلعن أبوكي ان ما كان عاشق متلنا
الحب بهالدني بينقال ~~~ الحب لشفافا موال
الحب كلمــي يا خيي ~~~ بكل جلسي بتنقال
الحب انتي وأنا
الحب لهالدنيي غنى
الحب هوي لحالو
ما الو عنا غنى
الحب جَنـِّي بتاخدك وبتشلحك فيهــــا
الحب بسـمي الأمل أحلى معا نيهـــــا
الحب نسمـي الوفــا أحلى أغا نيهــــــا
الحب كلمي الحيا ة أجمل ما فيهــــــا
الحب خابيي فاضيي الإخلاص يمليهـــا
الحب حقول منوعة بزوقـك تنقيهـــا
الحب بسمي ع شفاف الزمن انت خليها
الحب قصة مكـَّملي ما فيك تنهيهـــــا
قلبي وقلــــبك يا قلبي ~~~ قلبين بقلب
ان دقدق قلبك يا قلبي ~~~ قلبي بيدق
روحي وروحك يا روحي ~~~ روحين بروح
ان رفت روحك يا روحي ~~~ روحي بترف
أحبائي كل عيد حب وانتو كل الحب
يا هيك الحب ويا بلا
» صوت صديقتي
» وردة حمراء في الأفق البعيد
» أعيادك يا نيسان عيد الإستقلال الوطني في سوريه
» لماذا الرحيل
» حوار بين حواء وآدم
» الفرق بين الأمس واليوم
» وين الغوالي
» تعالي نسكن الفردوس
» عدت يا صيف